Foz Libre

Casualidades da vida

Holónimo, merónimo, hiperónimo, hipónimo, sinónimo

Onte traduzim kthesaurus, e aparecérom-me umha série de vocábulos que nem no Estraviz vinham. A wikipédia ajudou-me a descifrá-los. (Nota: Suponho que algum que eu me sei que tem o móbel de adorno já os conheceria).
Em paralelo hai pouco descobrim, através de Lambda-the-ultimate, umha nova linguage de programaçom, mais bem um joguete de um paisano que sabe como facé-los, e lim o manual (catro ou cinco páginas, um joguete como dixem).

Com ambos os dous factores juntos, começei a facer-me umha manola mental acerca de como estas palavras expresan as relaçons entre os objectos, entendidos como reificaçons de conceitos en software.

A questom é que como já sabedes, hai dous tipos de linguagens de programaçom com soporte integrado para orientaçom a objectos: aquelas nas que os objectos son instanciaçons de clases (todas aquelas que sodes capaces de ler: C++, C#, Java, Python, ...) e aquelas nas que os objectos son versións de outros objectos (smalltalk, io, ...).
É dicer, nas primeiras hai por unha banda "Ideias" estilo Platón, e aliás temos "este exemplar" "outro exemplar" "outro exemplar", onde cada exemplar é levemente diferente dos demais (em C++ diferem nos valores das variábeis membro, em Python amais, dado que os objectos som espaços de nomes e as funçons som valores de primeira orden, podem engadir-se membros (==métodos)).
Pola contra, nas linguagens que usam o sistema "Delta", nom há "ideia", senom um "tipo", no sentido que se lhe dá a essa verba na taxonomía biolóxica --o exemplar que serve de modelo para a definiçom da espécie--. Isto implica que umha cousa nom tem que ter umha "existéncia anterior", senom que abonda com que venha de algures.
Só umha cousa mais: em C++ dous objectos som da mesma classe, se fôrom definidos como pertencentes à mesma classe. Duas classes coa mesma definiçom --estrutura interna-- nom som iguais, o nome define a igualdade. Nom todas as linguagens cumplem isto.

Ao que ía;
Definiçons:
Holónimo: Um termo en cuja definiçom se incluem outros termos (o brazo tem mao)
Merónimo: Um termo que é parte de outro (as maos tenhem dedos)
Hipónimo: Um termo1 tem uns semas coincidentes cos de termo2, mais alguns adicionais.
Hiperónimo: Um termo2 tem os semas de termo1, excepto algunhos que servem para matizar a termo1 é que fam que seja um subconjunto de termo2.

Lea-se:
Hiperónimo: Classe base (coche é a clase base de descapotável)
Hipónimo: Classe derivada (umha especializaçom, que se di em certos ambientes)
Merónimo: Um membro da definiçom dumha classe, onde o membro pode ser null/nihil.
Holónimo: A classe que tem umha definiçom na que intervenhem outras classes como membros.

Para quem padecese "The C++ Programming Language" de Stroustrup, as relaçons "is a" e "has a" nom lhe serám extranas.

A questom nom é essa, nem que a divergéncia no léxico indique umha fenda entre duas áreas que podem ter mais pontos em comum dos que parece (refiro-me á filologia e á ciéncia da computación).
A questom é: Nom bos parece realmente "harmónico" que essas ferramentas de simulaçom chamadas ordenadores reflictam as estruturas mentais dos seus criadores?
Adendo: E por certo, que a forma mais similar á mental é a delta, onde a igualdade se defina nom por nome, senom pola estrutura interna dos objectos.

posteado por marce @ 3:30 p. m.