Foz Libre

Como voluntarizar-se

Pois nada, alô vai outra parrafada das minhas. Esta trata acerca de como comezar com bom pé nisto de ser un voluntário do software livre.

Volenti Nihil Difficile
(Ao que quér/ ao que tem a vontade nada é dificil, que em galego equivale ao conhecido

Querer é poder

) Ainda que eventualmente podas roubar umha hora ao trabalho, a maior parte das tuas aportaçons serám elaboradas durante o teu escasso tempo de lecer. A maiores, os trabalhos que fagas seguramente serám muito solitários. Estás certo de querer correr o risco de te converter num heremita?

Nom reinventar a roda
Isto está um pouco fora de lugar, pero neste contexto significa: Nom começes um projecto novo, é preferível melhorar um já existente. Nom abras um fork, re-engenha o projecto existente.

Antes de começar, analisa-te a ti mesmo
Supom-se que eres um usuário responsável. Qué funçons tem para ti o ordenador?, cais som essenciais ou moi importantes? Isto nom é trivial, dado que se pretendes começar a colaborar num projecto que cubre umha funçom que para ti é só secundária ou temporal, possivelmente perdas o interesse ajinha.

Escolhe um projecto
A estas alturas estas disposto a entregar o teu tempo e esforço a um projecto que faga um programa para facer X, onde o que seja X é problema teu. Pois possivelmente haja vários que fagam o que ti pretendas. Terás que escolher um deles. Procura que esteja disponível para os SS.OO. nos que vaias a programar/compilar, que seja para o teu escritório, e que esteja elaborado numha linguagem que che resulte atractiva. Nom te assustes polo tamanho do projecto, nem em Mb de fontes, nem en nº de desenvolventes, todos eles passarom polo que ti.

O mais habitual é colaborar cum programa melhorável do cal sejas um feliz usuário, os tempos de nacer projectos como rovelhos na Fraga Velha polo outono já passárom.

Ferramentas: O Kit bássico do aventureiro.
No universo do software libre soe ser imprescindível um programa IDE (por exemplo Kdevelop, Eclipse, ...), diff/patch e umha interface gráfica para estes (eu uso Kompare), e a maiores cvs/svn e umha interface para estes (no caso de que vaias a ter aceso ao repositório, do qual em ppio. nom te tes q ue preocupar).
Para os tradutores de gui, precisarás as ferramentas gettext, e um programa que que facilite a vida (para aumentar a produtividade), eu uso Kbabel.
Para os tradutores de documentaçom (miserese mei, deo), precisarás o dos tradutores, mais un programa para tomar capturas de pantalha, e um editor básico de fotografías (o gimp ou o krita tenhem funcionalidades de abondo). Possibelmente sejan úteis as ferramentas poxml.
Para os documentalistas: Sentindo-o muito, precisarás ter algum conhecimento de docbook. Hai algumha ferramenta útil por aí, pero como nunca o tiven que sofrir, nom podo recomendar rem.

A correr
Usar o programa que escolhas. Usa-o tras descarregá-lo do repositório e compilar. Possivelmente seja um programa que já usares, que che goste, e no que votes em falha algumha cousa. Se é assi, perfeito!, ti tes futuro.
Comproba a lista de bugs, e sobretodo a de RFE (request for enhacement). Nos projectos de SL, a comunicaçom entre os involucrados soe-se facer por correo-e a listas. Suscribe-te tanto á de usuários como á dos desenvolventes. Pergunta como podes colaborar (resposta: nom terás aceso ao cvs por agora, manda o parche para a versiom head do cvs ao mantedor desta)

A estudar
Estuda o código. Nom fai falha que o memorizes, só sinte-te cómodo buceando polas clases, sinais, slots, membros, métodos, diálogos, etc.

Empeza a guerra: JJ
JJ som as siglas de "Junior Job", estes venhem sendo pequenos RFE ou bugs que se considera que som muito simples de resolver/engadir, e que os desenvolventes "sérios" nom atacan por agora porque estám a trabalhar em outras partes. Nalguns projectos deixam-se uns poucos sempre adrede precissamente para a gente coma ti.

O resto já é andar...
...que caralho, nom che vou dizer todo nom, agora vem essa parte na que metes as funcionalidades que consideras oportunas, parcheas, cambias cousas porque se anovou algumha libraria, essas cousas.

Adendum
Nengumha vontade é inquebrantável, ningúem resiste indefinidamente a soidade, antes ou despois abandonaras, ainda que seja temporalmente, o projecto. Polo tanto, debes seguir estas três regras:
Escreve código que outros sejam quem de ler e comprender
Documenta, documenta, documenta o código. Doxygen é o teu amigo.
Fagas o que fagas, fai-no só a cámbio de honor e glória.

posteado por marce @ 12:37 p. m.