Foz Libre

Escola Nautico-Pesqueira

A meiodia escoitei a rádio mentres comia, na casa de meus pais. Num momento determinado, falou Cesar Aja, o senador e ex-alcalde de Viveiro city.
O motivo polo que falou nesta ocasiom era acerca dum projecto de escola Nautico-Pesqueira na Marinha, penso que em Burela.
Alegou a favor dela, se nom me falha a memória dicia que a indústria pesqueira era moi forte na comarca, e que se poderia usar para formar a persoal para as indústrias da acuicultura.
Eu, aqui, vou alegar em contra.

Situaçom nas escolas próximas

Que existe demanda para sacar competências marinheiras e títulaçom de patronage nom desportivas é induvidável, pero o certo é que a escola mais próxima, a de Ferrol, está infra-utilizada (14 alunos sobre umha capacidade de uns 100), a situaçom de Gijom nom a conheço, pero deve andar por ai.
Entom, se nom existe realmente umha necessidade social, para que pó-la?

Misturando (ovelhas para carne) churras com (ovelhas para lá) merinas

Este é o argumento que me doe: a escola nautico-pesqueira servirá para formar persoal para a acuicultura.FALSO.

A relaçom da acuicultura cos mundos nautico e pesqueiro é meramente casual

no sentido de que as coincidências son caseque casualidades: ambos adicam-se principalmente ao peixe marinho, e precissam de auga.
A acuicultura na Marinha, pola sua configuraçom geográfica, está destinada, durante moito tempo, a estar baseada em terra. A única vinculaçom co mar está nas granxas em mar aberto, das cais só hai umha na ria do Barqueiro, propriedade de Isidro de la Cal, e nestas, a vinculaçom coa nautica é atravês das lanchas de serviço.
Buscando-lhe as cóxegas, tamém fai falla outro profisional especializado neste ambiente, o buço, que se encarga de facer umha revisiom periódica (semanal ou bi-semanal) do estado de conservaçom e limpeza das redes que constituem as gaiolas. Para esto nom vale um con licenza desportiva (estrelas), senom que deve ter um título especial que só se outorga em Arousa.
Polo que se refire á pesca, a situaçom é similar, dado que nom se usam artes de pesca usuais, mais que numha aplicaçom, a do sacrifício dos individuos. Em terra, o sistema de pesca é diferente ao do mar, nom se usam ançois, e as redes usam-se só nalgumhas ocasións para agrupar aos individuos e facilitar a sua captura.
De feito, a morte dos indivíduos nom é por axfixia natural ou aplastamento, como acontece na pesca, senom por morte forçada (imersiom em auga fria saturada em dióxido de carbono) co fim de nom deteriorar a calidade da carne.
Portanto, para criar um centro de formaçom de acuicultores, este requere ser habilitado em especial para eles, e exige moitas classes práticas, polo que nom pode estar situado em qualquer lado. É dicer, nom deve fazer-se aplicando o princípio esse de "poyaque" (pos ya que estamos... meteme esto aunque sea a presión), senom adrede para esse fim.
Polo que se refire à criaçom de traballadores especializados, na actualidade hai polo menos dous centros a nível galego que os formem:

• Na ilha de arousa, ponta ninho do corvo, umha espécie de FP, do cal nom recordo o nome, que se adica em exclussiva a este fim, formar acuicultores.


• Em Vigo, a Facultade de CC do Mar, na que eu estudei

Ambos os dous centros levam traballando desde hai uns 10 anos, e tenhem capacidade para sacar ao mercado laboral como pouco a 50/60 profisionais especializados ao ano.
Como dicem as estatísticas: o 21% da povoaçom menor de 30 anos tem estudos superiores, e o mercado laboral só pode assumir da orde do 8%.
Como di a lei da demanda e da oferta: todo o muito abondoso perde o seu valor (aplica-se tamém ao s títulos).
Como di o sentido comum:

É preferível mandar estudar fora a rapaces de 16 anos, que criar umha nova fábrica de parados

(Nota: Cada centro acuicola nom requere mais de 20/25 pessoas especializadas, e isso sendo imensamente grande)

posteado por marce @ 2:35 p. m.